Рогі аленя
Двое мясцовых жыхароў у вёсцы Старынкі Ваўкавыскага раёна з гаспадарчай пабудовы аднавяскоўца ўкралі рогі аленя, якія потым хацелі прадаць, паведамляе рэсурс абласной міліцыі
35-гадовы мужчына знайшоў рогі аленя ў лесе і захоўваў іх у гаспадарчай пабудове. Калі пра трафей даведаліся мясцовыя беспрацоўныя 44-гадовы мужчына і 49-гадовая жанчына, то вырашылі знаходку ў аднавяскоўца ўкрасці. Прыкладны кошт такога трафея складае каля 500 рублёў.
Падгадаўшы момант, калі побач нікога не было, зламыснікі вынеслі рогі. Аднак прадаць іх не змаглі. Як толькі ў раёне з’явілася інфармацыя, што прадаюцца рогі аленя, пад выглядам пакупнікоў прыехалі супрацоўнікі крымінальнага вышуку Ваўкавыскага РАУС і пацярпелы.
Рогі забралі, а па факце іх крадзяжу ўзбудзілі крымінальную справу.
Фота УУС