Грошы з барсеткі гродзенца
40-гадовы жыхар Гродна на мінулым тыдні зайшоў у краму на вуліцы Суворава, зрабіў пакупкі, а потым замовіў сабе каву ў кафейным аўтамаце ды пакінуў па няўважлівасці барсетку з вялікай сумай валюты на стойцы. Забраў яе ўжо іншы 39-гадовы наведвальнік крамы.
Цешыўся знаходкай мужчына нядоўга. Пацярпелы выявіў знікненне грошай і заявіў пра тое ў міліцыю.
Праверыўшы па камерах відэаназірання маршруты па горадзе ўладальніка барсеткі з грашыма, ахоўнікі правапарадку ўбачылі, што пацярпелы заходзіў у краму на Суворава з барсеткай, а выходзіў ужо без яе.
Хутка стала зразумела, хто забраў чужое. Яго фота міліцыянеры паказалі супрацоўнікам крамы. Калі праз некалькі дзён мужчына зноў прыйшоў у краму, а работнікі крамы адразу паведамілі пра яго з’яўленне ў міліцыю.
Мужчыну затрымалі. Амаль усе грошы канфіскаваны, акрамя невялікай сумы, якую ён паспеў патраціць на свае патрэбы.
Цяпер дзеяннем гродзенца даецца прававая ацэнка.
Фота УУС