Ілюстрацыйнае фота
За апошнія суткі ў Гродзенскай вобласці здарыліся два пажары, адзін чалавек з апёкамі шпіталізаваны, паведамляе МНС
1 студзеня ў 23.36 выратавальнікам паступіла паведамленне пра пажар у прыватнай гаспадарчай пабудове ў вёсцы Рыбніца Гродзенскага раёна. Да прыбыцця падраздзяленняў МНС сусед выратаваў з агню гаспадара пабудовы. Беспрацоўны мужчына з апёкамі 1, 2 ступені правай верхняй канечнасці (2% цела), з атручваннем прадуктамі гарэння і алкагольнай інтаксікацыяй быў шпіталізаваны. У будынку агнём пашкоджаны матрац.
2 студзеня ў 03.43 паступіла паведамленне пра пажар у кацельні ў Ашмянскім раёне. Там агнём пашкоджаны ацяпляльны кацёл.
Прычыны пажараў высвятляюцца.