Таксі пасля ўдару нагой
23-гадовы мінчук сустрэў Новы год у Лідзе з заведзенай на яго крымінальнай справай, паведамляе рэсурс абласной міліцыі
31 снежня малады чалавек прыехаў з Мінска ў Ліду сустрэць з сябрамі Новы год. 1 студзеня каля 7.00 ён пайшоў у горад і на вуліцы Гастэла паспрабаваў спыніць аўтамабіль таксі, а калі заўважыў, што кіроўца не спыняецца, то нанёс удар нагой па левай пасажырскай дзверцы машыны. Пасля гэтага малады чалавек сам патэлефанаваў у міліцыю і паведаміў, што таксіст адмовіўся спыніцца.
Лідскі райаддзел Следчага камітэта ўзбудзіў супраць мінчука крымінальную справу па артыкуле «Хуліганства». Сума нанесенай шкоды склала 500 рублёў, адзначаецца ў паведамленні.
Фота УУС