Гарэла хата ў Дзятлаўскім раёне
Раніцай 17 студзеня дзятлаўскім выратавальнікам паведамілі, што ў вёсцы Петрашы гарыць жылая хата. Пажарныя разлікі адразу накіраваліся туды
Калі байцы МНС прыбылі на месца, дах драўлянага будынка быў цалкам ахоплены полымем і часткова абваліўся.
Наступствы пажару
Хата належала 52-гадоваму вяскоўцу, які жыў адзін. Падчас тушэння пажару і правядзення разведкі ўсярэдзіне будынка, пад абломкамі будаўнічых канструкцый выратавальнікі знайшлі мёртвым гаспадара жытла.
Пажар ліквідавалі. Агонь знішчыў дах, перакрыцці, маёмасць, пашкодзіў сцены.
Верагоднай прычынай вогненай трагедыі стала неасцярожнае абыходжанне з агнём пры паленні, адзначаецца ў паведамленні.
За некалькі тыдняў новага года на Гродзеншчыне адбылося 46 пажараў, загінулі 9 чалавек, канстатуе рэсурс МНС.
Фота МНС