На месцы аварыі ў Смаргонскім раёне
У кювеце
Вечарам 16 сакавіка 45-гадовы кіроўца легкавіка «Фіат» рухаўся з боку вёскі Данюшава ў бок Смаргоні па аўтадарозе Р-95 і каля вёскі Вайнідзяняты выехаў на паласу сустрэчнага руху ды дапусціў сутыкненне з аўтамабілем «Рангэ Ровер» пад кіраваннем 39-гадовага мужчыны.
У выніку аварыі кіроўца «Фіата» быў дастаўлены ў бальніцу з пашкоджаннямі рознай ступені цяжкасці.
Каля 23 гадзін 16 сакавіка ў Лідзе адбылося ДТЗ, у якім пацярпелі два чалавека.
Пасля аварыі ў Лідзе
Устанавілі, што 33-гадовая кіроўца легкавіка «Мазда» рухалася па вуліцы Максіма Багдановіча ў бок вуліцы Асіпенка і пры выездзе на скрыжаванне з кругавым рухам не справілася з кіраваннем, наехала на бардзюрны камень і з’ехала ў левы кювет, дзе сутыкнулася з бетонным каналізацыйным калодзежам.
«Мазда» пасля ДТЗ
Жанчына-кіроўца і яе 38-гадовы пасажыр з пераломамі і іншымі траўмамі былі шпіталізаваны ў мясцовую бальніцу.
Фота ДАІ