Ілюстрацыйнае фота
У мінулую пятніцу на пад’ездзе да мяжы з Літвой быў затрыманы п’яны кіроўца фуры, паведамляе ДАІ.
48-гадовы кіроўца “ДАФ” з ночы знаходзіўся ў чарзе, каб перасячы мяжу праз КПП “Прывалка” і, як указаў у пратаколе, цягам дня выпіў 0,5 літра гарэлкі ў кабіне фуры.
У 16 гадзін яго спыніў супрацоўнік ДАІ, каб праверыць дакументы, і ўбачыў яўныя прыкметы ап’янення. Вынік медыцынскага абследавання паказаў 2, 2 праміле алкаголю ў крыві кіроўцы.
Цяпер яму пагражае штраф да 200 базавых адзінак і пазбаўленне правоў кіравання на 5 гадоў.