У Смаргоні гарэў жылы дом
За апошнія суткі ў Гродзенскай вобласці адбыліся два пажары, загінулі 4 чалавекі, 1 выратаваны, але траўмаваны, паведамляе МНС.
22 студзеня ў 02.30 выратавальнікам паступіла паведамленне пра пажар у жылым доме на Чырвонаармейскай вуліцы ў Смаргоні. Там агнём пашкоджана маёмасць, перакрыцці, дах і сцены ў доме. Загінулі гаспадар, жанчына і двое мужчын, асобы якіх устанаўліваюцца.
Да прыбыцця падраздзяленняў МНС сусед выратаваў з агню жанчыну, асоба якой таксама выяўляецца. Пацярпелая з апёкамі верхніх дыхальных шляхоў і атручваннем прадуктамі гарэння шпіталізавана ў цяжкім стане.
Вечарам 21 студзеня на вуліцы Інтэрнацыянальнай у Скідзелі гарэў жылы дом. У выніку пажару агнём знішчана веранда.
Прычыны пажараў выяўляюцца.
Фота МНС