Спынілі пагрузчык
Днямі рэйдавая група УУС праводзіла праверку працы ў сяльгаспрадпрыемствах Мастоўскага раёна. Каля вёскі Дубна міліцыянеры спынілі пагрузчык. У кабіне знаходзілася 5-літровая каністра з афарбаваным палівам. Кіроўца патлумачыў, што зліў яго літаральна ў пачатку змены, паведамляе рэсурс абласной міліцыі.
Знайшлі 5 літраў злітага паліва
Потым міліцыянеры па месцы жыхарства механізатара выявілі каля тоны металалому, уключна з элементамі ад сяльгастэхнікі. Чаму гэтыя агрэгаты знаходзіліся на асабістым участку работніка гаспадаркі, павінна ўстанавіць праверка.
Міліцыя нагадвае, што падчас пасяўной кампаніі аб’екты аграпрамысловага комплексу знаходзяцца пад пільнай увагай ахоўнікаў правапарадку.
Фота УУС