За мінулыя суткі ў Гродзенскай вобласці здарыліся тры пажары, паведамляе МНС
Днём 4 жніўня ў полі каля аграгарадка Нягневічы Навагрудскага раёна загарэлася пшаніца на корані. Агнём знішчана 20 га азімай пшаніцы. Работнікі гаспадаркі і байцы МНС выратавалі ад агню 45 га. Пацярпелых няма.
У гэты ж дзень у аграгарадку Ракаўцы Смаргонскага раёна гарэла прыватная гаспадарчая пабудова. Агнём пашкоджана сцяна будынка на плошчы 1 кв. метр.
Вечарам 4 жніўня выратавальнікам паступіла паведамленне пра пажар у гаражы на прыватным падворку ў аграгарадку Ражанка Шчучынскага раёна. У выніку пажару агнём знішчана маёмасць і дах у гаражы ды два легкавікі, якія там стаялі.
Прычыны пажараў высвятляюцца.