Ілюстрацыйнае фота
За апошнія суткі ў Гродзенскай вобласці здарыліся чатыры пажары, у агні загінуў адзін чалавек, паведамляе МНС
26 красавіка ў 05.32 выратавальнікам паступіла паведамленне пра пажар у вёсцы Саволеўка Гродзенскага раёна — гарэў жылы дом. Агнём знішчаны дах, перакрыцці і маёмасць у доме.
Днём 26 красавіка ў вёсцы Мядзвінавічы Дзятлаўскага раёна цалкам згарэла прыватная гаспадарчая пабудова.
27 красавіка ў 04.08 выратавальнікам паведамілі пра пажар у жылым доме ў гарадскім пасёлку Сапоцкін Гродзенскага раёна. Там агонь таксама знішчыў дах, перакрыцці і маёмасць у доме. Работнікі МНС знайшлі ў доме загінулага мужчыну, асоба якога высвятляецца.
Яшчэ адзін жылы дом амаль цалкам згарэў раніцай 27 красавіка ў аграгарадку Лунна Мастоўскага раёна. Агнём знішчаны дах, перакрыцці, сцены і маёмасць у доме.
Прычыны пажараў высвятляюцца.