Тройца сімвалізуе росквіт прыроды і пачатак лета. Менавіта таму спецыялісты вясковых клубных устаноў вырабілі сапраўднае падарожжа па традыцыях, запрасіўшы дарослых і дзяцей на фальклорныя праграмы, прысвечаныя Траецкім святкам, паведамляе "Культура Слонимшчыны".
У гэтыя дні кожная вёсачка напаўнялася водарам свежай зеляніны і гукамі старажытных спеваў. Разам з гасцямі клубныя спецыялісты праводзілі абрад завівання бярозкі, плялі траецкія вяночкі, рыхтавалі святочную яешню, танцавалі побытавыя танцы і гулялі ў народныя гульні.
Асабліва цёпла сустрэлі свята дзеці. Яны з цікавасцю вывучалі старажытныя звычаі, удзельнічалі ў карагодах і з задавальненнем прымяралі ўласнаручна сплеценыя вяночкі. Менавіта дзякуючы такім мерапрыемствам падрастаючае пакаленне далучаецца да культурнай спадчыны сваёй малой радзімы.
Тыдзень традыцыйнай культуры працягваецца. Арганізатары спадзяюцца, што падобныя падзеі дапамогуць захаваць унікальныя звычаі Слонімшчыны і перадаць іх наступным пакаленням.