26 ліпеня аграгарадок Міжэвічы стаў цэнтрам самабытнай культуры. Тут адбылося свята ў гонар лёну, прымеркаванае да 10-гадовага юбілею правядзення гэтага мерапрыемства.
Падзея аб’яднала прадстаўнікоў розных пакаленняў. Госці маглі палюбавацца вырабамі з ільняной тканіны, паспрабаваць тэматычныя пачастункі і асвоіць асновы народных рамёстваў на майстар-класах. Музычнае суправаджэнне забяспечылі народны вакальны ансамбль «Рабінушка», узорная студыя «Шанс» і артысты мясцовага цэнтра культуры, паведамляе аддзел культуры Слонімскага райвыканкама.
Для дзяцей былі арганізаваны атракцыёны і гульнёвыя праграмы. Арганізатары таксама падрыхтавалі тэматычныя фотазоны, якія дазволілі ўдзельнікам захаваць успаміны пра гэтае цёплае і каларытнае свята.
Оцените статью