Нядаўна ў Гродне адбыўся чэмпіянат вобласці па шашках-64. У спаборніцтвах прынялі ўдзел 45 спартсменаў з рэгіёна, сярод якіх 33 мужчыны і 12 жанчын. Слонімскія шашысты годна прадставілі раён у мужчынскім заліку. Глеб Валадашчык заняў шостае места. Аляксандр Кірык фінішаваў дванаццатым, а Ігар Петрусевіч стаў сямнаццатым, паведамляе Слонімскі раённы фізкультурна-спартыўны клуб па рабоце з насельніцтвам па месцы жыхарства.
Сапраўдны поспех на абласным чэмпіянаце святкавалі прадстаўніцы Слоніма сярод жанчын. Бажэна Хомчык заваявала срэбны медаль, заняўшы другое месца, а Ульяна Зелянкоўская дапоўніла камплект узнагарод бронзай. Яшчэ адна ўдзельніца з нашага горада, Настасся Бярцук, паказала выдатны вынік і стала пятай.
