У аграгарадку Сялявічы Слонімскага раёна 28 чэрвеня адбылося свята «Добры дзень, суседзі!». На мерапрыемстве сабраліся мясцовыя жыхары і госці рознага ўзросту.
У рамках свята для ўдзельнікаў працавалі некалькі тэматычных пляцовак. Госці маглі прыняць удзел у бяспройгрышнай латарэі, набыць сувеніры ручной работы ад мясцовых майстроў, паўдзельнічаць у інтэрактыўнай праграме і прымерыць «капялюш з прадказаннямі», паведамляе аддзел культуры Слонімскага райвыканкама.
Музычную частку праграмы падрыхтавалі артысты Слонімскага раённага цэнтра культуры і народны вакальны ансамбль «Славяначка» Сянькоўшчынскага цэнтра культуры. Народны тэатр гульні «Свавольнікі» правёў для сабраўшыхся танцавальны флэшмоб.
Арганізатары адзначаюць, што свята стала выдатнай нагодай абняць суседзяў, пагутарыць з блізкімі сябрамі і яшчэ раз палюбавацца прыгажосцю сваёй малой радзімы.
Оцените статью